- ઈશ્વર : જોકે એ કોઈ વસ્તુ કે વ્યક્તિ નથી, થોડા ઘણાબાબાઓ સિવાય કોઈ એ જોયા પણ નથી. પણ ઈશ્વર વગર ખબર નહિ મારી આ દુનિયા ચાલે કે નહિ?
- માં-બાપ : મારું જીવન ઘડવામાં, મને તમામ સુખ-સગવડો આપવામાં એમને કરેલા બલિદાનો મને હમેશા યાદ રહેશે.
- ટીઆ-કોકુ : એમના વગર એક આખો દિવસ કાઢવો એ ઘણું અઘરું છે, જે મને હમણાં જ બંને એ કરેલા લાંબા પ્રવાસ માં ખબર પાડી ગયી.
- રિશી – મારા જીવન નો એક સહુ થી ખરાબ દિવસ અને એ દિવસ પાક્યો એટલે જ રિશી મારો દોસ્ત બન્યો.
- ATAH – આ દોસ્તોને કેમ ભૂલાય? એક તૂટી ગયેલા માણસ ને ફરી થી બેઠો કર્યો આ લોકો એ.
- જીતું ભાઈ – દોસ્ત કહું કે સર, પણ એમણે મારા જીવન માં ઘણો મહત્વનો ભાગ ભજવ્યો છે.
- આદી – આ દોસ્તને મારા મોટા ભાગ ના બીજા દોસ્તો ઓળખતા નથી પણ આદી એક ખાસ વ્યક્તિ છે મારા જીવન માં.
- હું કદાચ ૩-૪-૫ માં ભણતો હોઈશ, બરાબર યાદ નથી પણ એ સમયે પપ્પા યાસીકા નો SLR લાવ્યા હતા. જે આજે પણ ચાલુ હાલત માં છે. પણ હવે રોલ વાળા કેમેરા કોઈ વાપરે નહિ એટલે બાજુ માં પડ્યો છે.
- ૧૯૯૬ માં અમારા ઘેર કાર આવી અને એક જ મહિના માં હું એને ચલાવતા શીખી ગયો હતો, મને યાદ છે એ સમયે હું રવિવારે દોસ્તો ને લઈને ફરવા જતો તો ૩૦-૪૦ મિનીટ કે કલાક સુધી અમે ફરતા. એ સમયે ખબર નતી પડતી કે પપ્પા પેટ્રોલ ના પૈસા ક્યાંથી કાઢે છે. આજે કાર ચલાવું તો મને તો એની એવરેજ જ દેખાય (હા હા હા).
- મારી કાર નુ મ્યુઝીક પ્લેયર અને વુફર – કાર આવી એ સમયે કદાચ ભાઈ કેલીફોર્નીયા ગયો હતો વિપ્રો તરફથી. પાછા આવતા એ એના માટે મસ્ત kenwood નુ પ્લેયર લાવ્યો હતો. પછી એમાં સોની ના explod woofers નખાવ્યા હતા. ધમા-ધમ સોંગ વગાડતા વગાડતા ગાડી ચલાવતો.
- બસ આજ સમય માં ભારત માં CD પ્લેયર આવ્યા હતા. પપ્પા એ મસ્ત MP3 પ્લેઅર લઇ આપ્યું હતું. જે આજે પણ વપરાય છે રેડિયો સંભાળવા માટે. રોજ સવારે ધ્વનિત ને સાંભળું એના પર.
- કદાચ ૨૦૦૪ માં મારી એ એક MP3 ડીસ્ક્મેન મને આપ્યું હતું, જે આજે પણ ચાલુ હાલત માં છે. પણ આજના દિવસે એને વાપરવું જરા અગવડ ભર્યું છે એટલે એ વાપરતો નથી.
- ૨૦૦૪ માં જ નોકિયા 1108 લાવ્યો હતો જે આજે પણ એમ જ પડ્યો છે. ઘેર થી એકદમ ના પાડવામાં આવી હતી કે મોંઘો મોબાઈલ લેવો નહિ. એટલે આ સસ્તો લેવામાં આવ્યો હતો.
- એક જ વરસ માં નોકિયા 6270 લેવામાં આવ્યો હતો. આ ફોન હજુ પણ બરાબર સાચવી ને રાખેલો છે. ઘણી વાર એને જોઉં, ધૂળ ઉડાડું એના પર થી. એમાં બેટરી નાખી ને ચાલુ કરી જોઉં એને.
- ભાઈ એ આપેલી FIFA ૨૦૦૬ (GERMANY) ની બ્રાઝીલ ની T -SHIRT જે એને ખાસ GERMANY થી મોકલાવી હતી.
- હોલેન્ડ (નેધરલેંડ) ના એક CLIENT એ એક ગ્રીટિંગ કાર્ડ અને હોલેન્ડ હોકી ટીમ ની TSHIRT મોકલી હતી. જે આજે પણ સાચવી ને રાખી છે.
- મારો LG ચોકોલેટ BL40 – આના જેવો આલીશાન ફોન મે જોયો નથી. હવે તો એ ૨+ વરસ જુનો છે એટલે કદાચ ટેકનોલોજી માં પાછળ પડે ક્યાંક ક્યાંક. પણ એ કાળો લાંબો ફોન એ સફેદ હાથી છે.
- મારો બ્લોગ અને મારી સાઈટ. એમ જ રમત-રમત માં બ્લોગ લખવાનું ચાલુ કર્યું ને આજે ક્યાં પહોચી ગયું છે.
- ટીઆ એ આપેલી એક ઘડિયાળ – એ ઘડિયાળ આજે પણ એક બેગ માં મુકેલી છે પણ એને હું કાઢી ને જોઈ લાઉ છું સમયાંતરે.
- મારું ડબલું (DESKTOP) અને નાનું ડબલું (NOTEBOOK). – ટીઆ એ બંને બચારાઓને ડબલા જ ગણે 🙂
- મારી બાઈક
આના સિવાય પણ ઘણી વસ્તુઓ છે પણ આ બધી ઘણી મહત્વની છે.
23.111111
72.581112