valentine’s day

આમ તો આ પોસ્ટ 1 મહિના પહેલા લખાઈ ગયી હતી પણ કોણ જાણે કેમ પોસ્ટ કરવાની રહી ગયી.
આ પોસ્ટ ને 14-ફેબ્રુઆરી 2017 પહેલાની ગણવી 🙂
વેલેન્ટાઈન’સ  ડે નજીક છે એટલે એને લાગતું થોડું લખીયે 🙂
અમે મુદ્દા (બુલેટેડ પોઈન્ટ્સ) માં લખીયે કેમ કે અમને કલાયંટ્સ (ગ્રાહક) ને મેલ કરી કરીને એવી ટેવ પડી ગયી છે.
  • અમુક લોકો (છોકરાઓ) એટલા સારા હોય છે ને કે ક્લાસની કે ગ્રુપની કે ઓફિસની સહુ થી સુંદર છોકરી એની દોસ્ત હોય. અને હા, ખરેખર ફક્ત દોસ્ત જ હોય છે 😦  . (કેમ કે એ ગર્લ-ફ્રેન્ડ કોક બીજા ડફોળ ની હોય છે 🙂 )
  • એ છોકરી એના જીવનની બધી નાની-મોટી વાતો એ છોકરા જોડે કરતી હોય છે. એના કૂતરાને શું ખાવું ગમે છે એ લઈને એના પપ્પાને કયા ટીવી શો ગમતા હોય એ બધ્ધું એ પેલા દોસ્તને કહેતી હોય છે.
  • એને કોઈ જગ્યાએ ઇન્ટરવ્યૂ માં જવું હોય તો આ દોસ્ત તૈયાર હોય (ભલે ને દોસ્ત ને પોતાની નોકરી ના હોય).
  • એને ગણિત ના દાખલા ના આવડે કે કેમેસ્ટ્રી ની જર્નલ લખવાની બાકી હોય એનો એ દોસ્ત બધું પૂરું પાડે.
  • એના કોઈ બીજા (ખાસ) દોસ્ત ની વર્ષગાંઠ હોય તો પેલો દોસ્ત એને સારામાં સારું કાર્ડ અને ગિફ્ટ શોધવામાં મદદ કરે.
  • કોઈ મળી ના રહ્યું હોય ત્યારે એ દોસ્ત એની જોડે સલમાન ખાન કે સુરજ બડજાત્યાના મુવી પણ જોવા જાય.
  • કોઈ મળી ના  રહ્યું હોય ત્યારે એ દોસ્ત એની જોડે પાણી પુરી, સેવ પુરી વગેરે વગેરે ખાવા જાય.
  • એ દોસ્ત આનું રિચાર્જ પણ કરાવી આપે એન્ડ પૈસા પણ સામેથી ના માંગે, પેલી ને આપવા હોય ત્યારે આપે.
  • આટલા સારા હોવા છતાં આ છોકરાઓ બચારા હંમેશા એકલા જ રહી જતા હોય છે.
  • કારણ માત્ર એટલું કે એ લોકો બહુ સારા હોય છે 🙂
નોંધ :
— કોઈ એ બંધ બેસતી પાઘડી પહેરવી નહિ.
— આ બધી ઘટનાઓને મારા જીવન સાથે કોઈ સંબંધ નથી પણ એ બધી નજરે જોયેલ છે.
Advertisements