હું રોજ જે ટાઇમે ઓફીસ થી નીકળું એનાથી આજે ૩૦-૪૦ મિનીટ જેટલું મોડું થઇ ગયું હતું. હું તો રોજ ની જેમ ફોન માં મ્યુઝીક સાંભળતો ઘેર આવતો હતો. ઘર થી થોડો જ દુર હતો ને મારું પ્રિય ગીત ચાલુ થયું. હવે એમ ના પૂછતાં કે કયું પ્રિય ગીત ( https://anuragrathod.wordpress.com/category/favorite-songs ) ? અને થોડી જ વાર માં ટીઆ નો ફોન આવ્યો કે ક્યાં છો ને કેટલા વાગ્યે આવશો ? હું લગભગ ઘેર પહોચવાનો હોઉં ને એની થોડી વાર પહેલા જ એ રોટલી બનાવા લાગે એટલે બંને જણા જોડે બેસી ને એક જ થાળી માં ગરમ ગરમ જમી શકીએ ( હા હું ને ટીઆ એક જ થાળી માં ખાઈએ. બહાર જમવા ગયા હોઈએ ને શક્યતા હોય તો એકજ થાળી માં જમીએ. ) એમ કહેવાય છે કે એઠું જુઠું જોડે એક જ થાળી માં જમે તો પ્રેમ વધે. એતો ખબર નહિ પણ હા અમે એક થાળી માં ના જમીએ તો બંને માંથી કોઈને જમવાની મજા ના આવે. ઓહ, પાછા મુદ્દા પર આવીએ. તો હું ગીત ગાતો હતો ને એ સમયે હું કશુક ટીઆ વિષે જ વિચારતો હતો ને એનો ફોન આવ્યો. ખબર નહિ સંયોગ કે શું પણ હા પ્રેમ તો છે…
મહિનો: નવેમ્બર 2010
કોકુ નો ઘોડો
ટીઆ ને ઘણા સમય થી એક ઘોડો લેવાની ઈચ્છા હતી પણ એ સમય આવતો ના હતો. દિવાળી ની રજાઓ માં મમી, પપ્પા તો ગામડે ગયા હતા પણ અમે લોકો અહિયાં જ રહ્યા હતા. દિવાળી ના દિવસે અમે લોકો જયારે ફરવા નીકળ્યા હતા તો રસ્તા માં એક રાજસ્થાની ભાઈ આવા ઘોડા વેચતો હતો. આમ તો એણે ઘણો વધારે ભાવ કીધો પણ પછી પેલા ભાઈએ ટીઆ ને ૫૦-૬૦ રૂપિયા માં જ આપી દીધું. ઘોડો જોઇને કોકુ ખુસ થઇ ગયો હતો. બંને જણાને રાજી જોઇને મને મજા આવી ગઈ. ઘેર આવ્યા એટલે બંને નો ઘોડા જોડે ફોટો પડી લીધો. આમ તો કોકુ રાજપૂત ની જેમ આ ઉંમરે જ ઘોડેસવારી કરી આવ્યો છે, તલવાર પણ રાખે છે ને મોજડી પણ પહેરે છે :). હવે આ ઘોડો પણ લઇ આવ્યો એટલેપૂરો રાજપૂત બની જ ગયો.
THE SOCIAL NETWORKS
THE SOCIAL NETWORKS
એક ટેકનીકલ મુવી છે અને એ પણ જો કોઈ માણસ વેબ ટેકનોલોજી નો જાણકાર હોય તો એણે ગમી જાય. મે જયારે આ મુવી જોયું તો જાણે મને તો એના વિષે જ વિચાર આવ્યા કર્યા. હું લગભગ ૩૦ મિનીટ સુધી એના વિષે વિચારતો રહ્યો. ખુબ જ મજા આવી, પણ મજા કરતા મને ઉત્સાહ આવ્યો કામ કરવાનો.
મે હમણાં જ ૧૦૦ પોસ્ટ પૂરી કરી છે. જયારે ૧૦૦ પોસ્ટ પૂરી થઇ હતી તો હું ખુબ જ ઉત્સાહમાં આવી ગયો હતો. હવે હું ૪૦૦૦ યુનિક હિટ્સ તરફ જઈ રહ્યો છું. રોજ એ આંકડો જોયા કરું. રોજ બ્લોગ ના ગ્રાફ પર નજર રાખું છું. ત્યારે મને એક સીન યાદ આવે છે. એમાં એક છોકરી હીરો ને પૂછે છે કે તારી સાઈટ ને ૨ કલાક માં ૧૫૦૦ હિટ્સ મળી હતી ? ત્યારે હીરો કહે છે ૧૫૦૦ નહિ ૧૫૦૦૦.
ઠીક છે ચાલો ૧ મહીને ૧૦૦૦ હિટ્સ બહુ જ મોટી વસ્તુ છે અને જે મારા બ્લોગ માં થાય છે. હજુ હું આને એક મહિના ની ૨૫૦૦ થી ૩૦૦૦ હિટ્સ તરફ લઇ જવા માંગું છું. આશા રાખું છું કે એ થશે, એ કરતા પણ વિશેષ હવે મેહનત કરીશ કે આ શક્યબને.
Tianu Gujarati Blog - Anurag Rathod 